By: Cik Ben

Kato pepapatah, “Rumah Kecik Idak Bepagar, Rumah Gedang Idak Bepintu. Masih Kecik Idak Belajar, La Gedang Idak Pulo Beguru”.  Akibatnyo idup mendidik dan cok kenai ‘makan kuah’.

Nasib generasi idak padek diambang kematian. Pas pendatang maju, mulainyo iri. Timbul egosentrisnyo, meraso orang laintu idak berhak, sedangkan dirinyo sendiri idak ngendal. Mulai enyo endak ngidupkan sikap primordialisme.

“Agak tinggi kajian sekali ko Cik? Apo primordialisme tu?”, tanyo Ridwan sambil duduk, ngopi merokok  kek micit-micit HaPe.

Cik Ben nganing lanangtu betanyo teliek ngeleng-ngelengkan palak. Dalam ati-nyo ngecek, “Awak mudo,  ganteng, HaPe padek, tapi kek  istilah itu ajo idak tau. Mecamano endak ngendal iduptu kalu mecamitu”, ceme’eh  Cik dalam ati.

Tegak Cik, di cuilnyo paho lanangtu. Agak tegelejek Ridwan.

“Ai….Jangan main cuil Cik, kalu merangsang  khilaf awak kelak”, kucak Ridwan.

Di jelle-kan Cik, kalu nangdimaksud primordialisme itu adolah paham  kedaerahan.  Caro kito meliek apo nangterjadi sesuai dekek apo nangkito dapek di tempek  kito lahir enggut kito gedang .

Primordialisme itu harus ado selaku putra daerah. Kalu idak, ancurlah adat istiadat, budaya daerah sendiri. Kito punyo bahaso kek namo pahlawan daerah kito. Pakailah namo jalan makai bahaso kito, termasuk hal-hal nanglain.

“Tapikan kitoko la menjadi negara kesatuan Cik?”

“Yo…..Tapi  kesatuan harus dalam adat  istiadat dan budaya kito masing-masing.  Maso  ado orang dari Utara  naik bus,  baru duo jam jalan, enyo sangko la sampai di Pulau Jawa. Pas tesentak…….Ruponyo baru nyampai di Jalan Hibrida Kelurahan Sidomulyo Bengkulu Kota. Misalnyo!”

“Yo….yo….yo”, angguk Ridwan.